مغربية بكندا: زوجي كيسبّني، كيعيرني، وكيطلب أمور جارحة"

مغربية في كندا... دخلات تجربة زواج جديد على أمل تلقى الراحة والاستقرار، لكن لقات العكس تمامًا. السبان والمعيور يوميًا، ضغط نفسي فالعلاقة، وقسوة بلا رحمة. بدون عائلة، وبدون سند... كتفكر تمشي لملجأ النساء المعنفات، ولكن خايفة من المصير المجهول. واش كاين أمل؟ واش تقدر توقف على رجليها وتكمّل أوراق الإقامة؟ قصة واقعية، مؤلمة، ومليانة رسائل لكل وحدة فكرت أن الزواج هو الأمان... #قصص_من_الواقع #مغربية_في_كندا #العنف_الزوجي #الهجرة_والزواج #حقوق_المرأة #الملاجئ_في_كندا #زواج_الغربة

قصة مؤثرة: مغربية في كندا وسط زواج جارح

البنات، سمحوا ليا نحكي ليكم قصتي، يمكن تلقا صدا عند شي وحدة فحالتي، ويمكن تنصحوني من القلب.

أنا مغربية، تزوجت براجل وجيت معاه لكندا بفيزا "فيزيتور"، ودابا الحمد لله وراقي ديال الإقامة الدائمة (PR) كيتقاداو، وقريب نكمل حتى فيزا العمل.

كلشي باين مزيان من برا... لكن الداخل؟ عذاب!

من أول شهور الزواج وأنا كنعاني مع راجلي.

السبان والمعيور يوميًا، كيطلب مني حوايج فالعلاقة الحميمية ما يمكنش يتقالو، وكيهضر معايا بجفاف وقسوة كأنني ماشي مراتو، كأنني خادمة أو ضيفة ثقيلة.

فبلادي، ما عندي لا أم لا أب، الله يرحمهم، ولا إخوة... غير خالتي الله يخليها ليا، هي اللي كانت هازاني حتى وصلت لعرسي الثاني.

ولكن هنا، فهاذ الغربة، عايشة بوحدي وسط راجل كيسب ويعاير، وكيقولي ديري لي بغيتي، المهم ما نسمعش صوتك!

البَارح فـ 3 دالصباح، سبّني ومشى لوطيل...

وخلا ليا البارطمة، قال: "ها الثلاجة عامرة، ها لاكارط، ديري لي بغيتي!"

لكن هادي ماشي حياة!

أنا ما باغاش نعيش على حساب كرامتي، وما باغاش نكمل مع راجل يطيح مني ويعتبرني عبء فحياتو.

سمعت بالملجأ هنا فكندا، كيقولو كيعونو النساء فحالتي، ولكن خايفة:

• واش فعلاً يساعدوني؟
• واش يعيطو للبوليس؟
• واش نقدر نكمل وراقي بلا ما يرجع هو مشكل؟

أنا ما بغيتش المشاكل، بغيت غير نعيش بكرامتي، ونوقف على رجلي، بلا خوف، بلا إذلال.

بغيتكم تديروني ختكم، وتنصحوني من القلب.

الله يفرّج عليكم كيف ما بغيتو تفرّجو عليا