فلوسي ولا ثقتي؟

قبل الزواج، كانت تخدم وتجمع، وجات ليها ورثة زادت بها الرصيد… ما عمرها قالت لراجلها. لكن دابا، وهو كيقاتل على مشروع الحلم، نقصاه غير دفعة بسيطة… وهي عندها. فهل تساعده وتغامر؟ ولا تحمي راسها من مستقبل مجهول؟

كنت خدامة، وكنت كنحسب كل ريال.

جمعت، وعمّرت حسابي بالبنك، وسكت.

حتى جا نهار… جا الورث، وزدت شوية، ولكن بقى السر بيني وبين راسي.

تزوجت راجل زوين، مهلي فيا، كيشوف فيا بحال كنز.

باغي يدير مشروع صغير، كيحلم، كيطير، وكيوقف…

ولكن الفلوس ناقصاه.

قالي:

"نكره نمشي ندير كريدي، ولكن ما عنديش حل."

وما عرفش…

أنا عندي!

فلوس تكفي وتزيد.

ولكن، فاش كنخمم نعطيه، كينوض صوت فودني:

"وإلا تقلب؟ وإلا ما نجحش المشروع؟ وإلا خلاك؟ وإلا جا نهار وبقيتي بلا والوو؟"

وشوية أخرى، كنسمع قلبي تيقول:

"هدا راجلك، وخا ما طلبكش، راه كيعتمد عليك، وتيستاهل."