فلوسي ولا ختو؟!

أنا حاملة، وفرحانة بولدي للي قريب يجي للدنيا.

من أول ما عرفنا بالحمل، أنا وراجلي تفاهمنا على كلشي:

غادي نولد فلكلينيك، وبلا صداع، وفلوس الطبيب نجمعوهم شوية بشوية.

كان كل شهر تيعطيني بركة، وأنا نخدم من الدار، ونزيد نعاون، وجمّعت، وشريت، وفرشت، وحلمت…

حتى جا داك النهار:

دخل عليا، قال:

"ختي خاصها عملية، وباغي نعاونها."

قلت ليه بكل هدوء:

"نت عارف حالك، ومخاصش يطمعو فيك… وراك مسؤول على وليدك دابا."

قالي:

"غادي نعطيها لفلوس للي جمعنا للطبيب."

قلت:

"لا! هادوك للولادة، ماشي لأي حاجة أخرى."

وتزادت الهضرة، وطيحات الكلمة:

"هادوك فلوسي… وختي حسن منك!"

بردت الدم، كملت ساكتة… ولكن قلبي تكسر